Станот е 111м², на втор кат, има 3 спални соби. Зградата е мала, пр+2+пк, има само 13 станови и е со лифт. Градбата е завршена 2020 година.
Мебелот и електричните уреди се целосно нови, досега неупотребувани, во станот досега никој не живеел.
Кујната е целосно опремена со садови, стаклена плотна за готвење, фурна, микробранова, машина за миење садови, а покрај аспираторот поседува и балконска врата за вентилација и светло. Дневната соба има смарт ТВ, а ниските прозорци нудат непречен поглед кон Скопје.
Погледот кон Скопје е возможен од сите соби, како дневната така и спалните.
Главната спална соба е апартмански тип - има засебна бања во која се влегува само од таа спална соба, која внатрешно поседува туш кабина плус када, целото тоа со прозорец за подобра вентилација. Родителската спална соба поседува и свој гардеробер (соба плакар) кој исто така има прозорец за природна вентилација на алиштата.
Другите две спални соби користат своја бања со тоалет, а веднаш до нив е и просторијата за перална, како засебна просторија.
Гостите користат гостински тоалет кој се наоѓа веднаш до влезната врата.
Греењето и ладењето е со мултисплит систем за ладење и греење, тоа е индивидуален систем за станот кој овозможува ладење и греење во секоја соба, што во комбинација со изолацијата од А енергетска класа и прозорците од пасивна куќа, сметките за греење и ладење се навистина мали. Со соседните станови, како и ходник и скали има поставено двојна звучна, топлотна и противпожарна изолација.
Вселив е веднаш.